سيبتلك جوابات كتير فـالسما امانه عليكى متكسريش بـخاطرى عشان ربنا مش قصدى اضايقك انا راجل بفهم فـأصول وإن كنتى انتى مش عايزانى اكيد مش همسك فيكى الحب يغور صعبان عليا نفسى عشان بحبك عشان قللتى منى كتير عشان ماشوفش زعلك عشان عدت سنتين ولسه بتعب لما بلمح اسمك مطفى فـشات قديم او واحده شبهك جنبى ماشيه سايق عليكى النبى بلاش تقولى نصيبنا مش هيبقى كسرة نفس وكدب كمان يجدعان احنا تعبنا محدش غصبك خالص كان ممكن على فكره نكمل بس انتى اللى زهقتى منى والعيب كان عندك مش عندى متمثليش دور المظلومه عشان قديم واتحرق عيبتى فيا وكنت بقول دى ست الناس انا كنت وحش وهان عليكى سنينا وسلمتينى فـحرب كنت بحارب فيها عشانك انتى وكتر خيرك غلطى برضو واحلف برب السما محدش اتأذى غيرى كل دول بيقلدو تعبى وربك بدعى مايبليهوم بـنصيبى انا بسهر بالايام والنوم وحشنى وشكلى عجز لو هقلك سنى عشرين سنه هتفتكرنى بكدب هلك جسمى بيحكى إن انا تعبان وساكت خدت ايه من حبك غير وجع قولون وصداع مزمن فـدماغى انا نمت ياما معيط واتمنيت اختفى وحيات كل دمعه وقعت على صورتك بكره تجيلى واندمك وانا برضو وحش كان فى بنت جميله منى اتأذت قربتلها عشان انساكى وسيبت ايدها عشان مش شبهك كدا خالصين اظن استاهل وجع قلبى واعتبرى التراك ده هديه منى عشان تتبسطى وتشوفى تعبى بكفايا بلاش وعود ونبى عشان هرجع لوحدى اخوك بيتعشم فـالناس محدش وفا معايا فـسيبنى كل الوشوش كدابه وكلو بدايل زايفه ليكى مكنش معايا فلوس تكفى فـاسمحى النهارده اهديكى.

اسمحى النهارده اهديكى ….. بهديكى……….!

قصيده كاتبها مش ليكى حبيبتى الغايبه مش حاضره وسايبه كلامى من بعدك يرن فـودن ناس غيرك يدوم خيرك يا شر ومر متأيف على هدومى يدوم خيرك يا طاقة سلب فـهمومى يدوم خيرك فـبعدك غاب وجود يومى ماسبش فـجسمى غير قولون وكام مليون وجع فايت مربى عـالغدا جنبى بيقسم همنا البايت ويظلم بنت ملهاش زنب نصيبها تحبنى بعدك …

عدت سنين على اكتئابى وحالتى اسوأ كل الناس فـحياتى كانت فتره وكلو جه ضايقنى وروح صنفنى حد نادر مرضى حير الدكاتره ولا منوم نعس عينى ولا المسكنات دى نافعه مابين رموشى وخدى ضلمه تعمى الأعمى عازف حب بنت جميله بس حزينه كانت تشبه كمانجه وكانت علاقتنا جميله لـفتره واتشاركنا الزعل بس هى تعبت منى اكمنى كئيب والوتر اتقطع وادينى رجعت حزين لوحدى وخايف احتجلها قد مانا فرحان بـفرحها قد ماكنت مشتقلها وجلال الله انا فيا تعب يكفى بلد واكتر مش عشان ساكت ده ميغركش انا جوا منى جهنم كل اللى كتبته مبيوصفش حاجه لسه بتسمعنى فـدقايق تتعب امال لو مكانى تخيل انت انا حالتى زفت حقيقى وكل يوم بسوء وبكتم عارف انى هموت صغير او هنتحر او هتجنن انا عايش بس عشان مكسرش قلب امى ومع انى مطلع عينيها وخيبة امل بس هتزعل منى وكان كانت بتلخص كل شىء حبيته صاحبى اللى مات مدمن وبيتنا والضحك اللى زمانى نسيتو كان المفروض انهار من بدرى بس مكانش فيه وقت وحملى تقل شيلة كتفى اكمنى لوحدى جدا ومليش حد عايرونى بـزعلى اللى انا زعلته زمان عشانهم قالو عنى مبشرفش ونكدى وفاشل مش لايق مقامهم حلمت بيكى من كام ليله كنتى جميله كنتى لابسه فستان كنت بحبه زمان وكانت غريبه كان فى عينيكى لمعت نور مشوفتهاش من ياما وافتكرت ايام عشقتك فيها وقلبى داب بـهوانا ياست الحسن انا اسف انى مش هنفعك كنت مقدر قيمتك غاليه وانتى شوفتى قيمتك حبة دهب قليتى مقامى وانا مقامى عزيز عليكى يعنى لو انتى اميره بنت وزير مـا انا ابن اسياد سيدك.

بحبك موت لقيتك ورده بنت بنوت بجزر فـروحى متعشق مشبك عروقو فى ضلوعى وجودك فرحه بتنبت خدود دبلو زمان واتعبو بـدموعى وهبنى حياتى ليكى سبيل وروحى حيطان تزينها رسمت الجاى بيكى جميل وشوفتك روح مفيش منها تاقلتك بالدهب والماس وانتى خسفتى من سعرى …

وحيات برود ديسمبر قلبى تلج حزن ممكن ننسى البعد حبه نقص من فراقنا مشهد حضن انا بستسمح نصيبنا فـصدفه اشوفك مره واحده لو مفيهاش مؤخذه ممكن اسلم والمسك وههدى ولو ضحكتى كتر خيرك وعد ممنون ليكى مش هضايقك تانى انا كل املى اطمن بس عليكى طب بصى فنجان قهوه ساده على كافيه عـالبحر مش بحب مرارة القهوه بس بعدك كان أمر ووعد انا مش هقرفك بـحكاياتى ونكدى هفضل ساكت بتفرج عليكى لحد مانيجى نمشى انا اتوحشتك والليالى منستنيش ملامحك انا رسمتك ياما وكل ليله بكلمك فى رسمى حتى انا كنت بكلم ناس واتخيل فيهم شكل وشك كل واحده عرفتها بعدك كنت احكيلها ياما عنك كان صحابى زهقو من سيرتك ومن كتر حكايتنا وكلو قال فكك وانساها هى قالتلك انها نسيت انا عرفت حريم تدوب الجدعان وتجيب اجلهم وانتى برضو كنتى غيرهم وانتى بنتى غصب عنهم كنت بشوف طيفك فـالناس وكنت قربت اتجنن حتى بيتنا شايل ريحتك كل حته واخده منك كان سيرتك بتحرق دمى بس بتهدينى بسمع اسمك بتعكنن شويه لما مش بلاقيكى وبقول ايام هتعدى اكيد هتعقل بكره وبكره عدا وبعدو عدا وبدل سنه اتنين فـغربه وانا تعبت من وحدتى ومـالسهر ومـالاغانى ومن لمتهم الفاشوش ومن صحابى ومن دماغى خد حياتى وهات حياه مفيهاش سهر وتعب خد حياتى وهاتلى عيشه معاها يومين فى راحه بال بـالعدد اظن دى الرساله الـ100 اللى انا بكتبها كل مره بسكر بكتب ليها رساله ولما بفوق بمسحها كل الكلام اتكتب وانا مليت خلاص من سيرتك كان دى قفلة كل رساله وبكره هسكر تانى اكتبلك.

بقيت بكتبلها عنك وشايفك ليا مش هى برغم الكُره فى عينيا مبكرهكيش حاولت انسا نسيت انسا ومنستكيش بقيت بشتقلها فيكى واشوفك وقت ماحضنها احن إليكى واحضنها افكر فيكى واحضنها عايش بيكى وياها وعايش بيها من دونها كأنك حاجه مدمنها انا مليت خلاص منك انا مليت خلاص منها ……….!

• Facebook
• WhatsApp
• Telegram
• Pinterest

Created by 3MR